දවසක් එනවා ඒ අයට අපෙන් වෙන්වෙලා යන්න සිදුවෙන

ඉපදුනු දා පටන් නොයෙක් අවස්ථාවල දී නොයෙකුත් විදියෙ අය අපි අතරට එනවා විවිධාකාර විදියට විවිධාකාර කාරණාවලට. ඒ අතරින් කීපදෙනෙක් අපේ සමීපතමයින් විදියට අපේ දුකසැප බෙදා හදාගෙන අපිත් එක්කම ඉන්නවා. නමුත් දවසක් එනවා ඒ අයට අපෙන් වෙන්වෙලා යන්න සිදුවෙන. මම කීවෙ මරණය ගැන නෙවි. මරණයට කලින් වුනත් සමහරු අපෙන් ඈත්වෙලා දුරට යනවා. ඒ අතර අපේ හිතගත්තු, අපි ගරුකරන අය වුනත් ඉන්න පුලුවනි. එහෙම වෙලාවට අපිට දැනෙන්නෙ දුකක් වුනත් ඒ වෙන්වීම සමහරවිට අපි දෙගොල්ලන්ටම හොඳක් වෙන්න පුලුවනි.(නරකක් වෙන්නත් පුලුවනි).

ඒ අතරම අපි අකැමති අයත් එක්ක එකතුවෙන්න සිදුවුනොත්?

අපිට පුලුවනි 100%ක් හෝ අඩුවෙන් සෘණාත්මකව ඒ සිදුවීම් දකින්න. ඒ වගේම 100% ධනාත්මකව වුනත් ඒ සිදුවීම් දකින්න පුලුවනි. නමුත් ඒ සිදුවීම් 50%-50% සෘණ-ධන මිශ්‍රකරලා දකින්න පුලුවනිනම් එය සමහරවිට අපේ ජීවිතවලට ආලෝකයක් ගෙනේවි. 100% ධනාත්මක වීමත් 100% සෘණාත්මක වීමත් දෙකම අහිතකරයි.