බැංකු ගිණුමේ මුදල් පරිස්සම් කරගනිමු

ලංකාව වටේම විවිධ බැංකු වලින් ඒටීඑම් යන්ත්‍ර රැසක් පිහිටුවලා තිබුනත් අපි සල්ලි ගන්න අවස්ථා වලින් 90% පමණම පාවිච්චි කරන්නෙ  එකම ඒටීඑම් යන්ත්‍රය. එසේ නොවුනත් අපි අපේ ගිණුම අයිති බැංකුවට අයිති නැති යන්ත්‍රයකින් මුදල් ගන්නෙ කලාතුරකින්. ඉතින් අපිට සෑම විටම හමුවන්නෙ ඒටීඑම් යන්ත්‍ර වර්ග දෙකක් හෝ තුනක්.එහෙම නොවුනත් ලංකාව ඇතුලෙ දකින්න පුලුවන් වර්ග කීපයක ඒටීඑම් යන්ත්‍ර විතරයි.

ඉතින් අපි කාඩ්පත පාවිච්චි කරලා මුදල් ගන්න අවස්ථා වලදි සැලකිලිමත් වුනොත් කෙනෙක් අපේ කාඩ්පත පිටපත් කරන එක අපිට ලේසියෙන්ම වළක්වාගන්න පුලුවනි.

අනිවාර්යෙන්ම කාඩ්පත පිටපත් කරන්න යන්ත්‍රයට කාඩ්පත ඇතුල් කරන තැනට යම්කිසි කොටසක් සවි කරනවා. එය යන්ත්‍රයේ එම කොටසට සමානවම හෝ තරමක් වෙනස් වෙන්න පුලුවනි. ඒ වුනත් අපිට අවධානයෙන් නොබැලුවොත් අඳුරගන්න බැරි තරමට ඒක සවි කරන්න ඒ අය දක්ෂයි.  තවත් දෙයක් ඒ සවිකරන දේ හරියට සවි වුනේ නැතිනම් හෝ යන්ත්‍රයට තමන්ගේ ක්‍රියාකාරිත්වයේ වෙනසක් දැනුනොත් ඒ යන්ත්‍රය ස්වයංක්‍රියවම ක්‍රියාවිරහිත වෙනවා. ඒ නිසා පිටතින් සවිකරන යන්ත්‍රය සවිකරන්නෙ හොඳට පුරුදු වුන කෙනෙක්.

අපට පහසුවෙන් නිරීක්ෂණය කරන්න පුලුවන් දෙයක් නම්

• කාඩ්පත ඇතුල් කරන තැන කවුලුවේ හැඩය වෙනස් වීම. සාමාන්‍යයෙන් අපි බොහෝවිට යන්ත්‍රවර්ග 2-3 වඩා පාවිච්චි නොකරන නිසා යන්ත්‍රය තියෙන විදිය ඇසට හුරු කරගත්තානම් පහසුයි.
• කවුලුවේ තිබෙන බල්බයේ පාට වෙනස් වීම හෝ බල්බය නොදැල්වීම (ඒටීඑම් යන්ත්‍රයට කාඩ්පත ඇතුල් කිරීමට පෙරත් කාඩ්පත ඉවතට ගත් විටත් එම බල්බය එකම කාල පරාසයකින් නිවි නිවී දැල්වෙනවා. බොහෝවිට යන්ත්‍රයෙන් කාඩ්පත එලියට එනවිටදිත් එම බල්බය දැල්විය යුතුයි. නමුත් බොහෝයන්ත්‍ර වල කාඩ්පත ඇතුල් කළ පසු එම බල්බය දැල්වෙන්නෙ නෑ- අනාගතයේ සොරුන් මේ අවස්ථාත් හොඳින් ග්‍රහණය කරගනීවි. එවිට අපට තවත් අමාරු වේවි මේවා හසුකරගන්න)
• බොහෝවිට අපේ රහස්‍ය අංකය සොරකම් කරන්නෙ කැමරාවක් මගින් වීඩියෝ කරගනිමින්. ඒ නිසා කැමරාව යන්ත්‍රයේ ඉහළින් තියෙන්න පුලුවනි. එනම් වට රාමුවට සමානම කොටසක් සවි කිරීම මගින්. නමුත් සමහර කැමරා කාඩ්පත් කවුලුවට සවිකරන්න පුලුවනි. එතකොට යන්ත්‍රයේ වෙනස්කම් කරන්නෙ අඩුවෙන් නිසා සොරකම හසුවෙන්න තියෙන අවස්ථාව අඩුයි. බොහෝවිට රහස් අංකය යොදනවිට එක අතකින් අංකය යොදන අත වසාගැනීමෙන් රහස්අංකය වීඩියෝ කරගන්න එක වලක්වන්න පුලුවනි. නමුත් මෙය සාර්ථක වෙන්නෙ කැමරාව ඉහළින් සවි කර තිබුනොත් තමයි. කැමරාව සවි කළේ කාඩ්පත අැතුල් කරන තැනටම නම් කැමරාව යතුරුපුවරුවට එල්ල වෙන්නෙ ඉහළින් නොවන නිසා හොඳම දේ තමයි රහස් අංකය ඇතුල් කරද්දි අපි කාඩ්පත ඇතුල් කළ පැත්තෙ අතින් අනික් අත වසා ගැනීම. එවිට කැමරාවත් අංකය ඇතුල් කරන අතත් අතරට අනික් අත එන නිසා කැමරාවට අංකය සොයාගන්න අපහසුයි. අනික ඇඟිලි කීපයකින් අංකය සටහන් කරන්න පුලුවනි. නමුත් 5 ඉලක්කම එනම් මැදින් පොඩ්ඩක් සලකුණක් දමා ඇති බොත්තමට මැදඇඟිල්ල තියලා අනික් ඇඟිලි ඒකට අනුව තියලා රහස් අංකය ගහනවාට වඩා ඇඟිලි මාරු කරමින් ඇඟිලි රටාවක් නැතිව යතුරුපුවරුව උඩින් ගෙනියමින් අංකට සටහන් කළානම් අත සෙලවෙන විදිය බලලාවත් අංකය ගන්න බැරිවේවි. 
• යන්ත්‍රයට කාඩ්පත ඇතුල්වන වේගය වෙනස්වීම. පිටවන වේගය වෙනස් වීම. තදගතියක් දැනීම. කාඩ්පත පිටවුනාම පිටතට තියෙන කොටසේ දිග - එනම් ඇඟිලි වලට හසුවන ප්‍රමාණය වෙනසක් දැනීම.

යන්ත්‍රයේ වෙනසක් දැනුනොත් යන්ත්‍රයේ දක්වලා තියෙන අංක වලට කතා කරලා දැනුම් දෙන්න. එහෙම නැතිනම් පොලිසියට කියන්න. මොකද මේ වගේ කාඩ්පත් පිටපත් කරන අයවයි ඒ අය පිටතින් සවිකරන යන්ත්‍රත් බැංකුව මගින් පොලිසියට බාර දෙන නිසා. බොහෝවිට යන්ත්‍ර සවි කරන්නෙ විදේශිකයන් වුනාට ලංකාවෙ අයත් මේ යන්ත්‍ර සවිකරන්න ඉඩ තියෙනවා. මොකද අපේ ලංකාවෙ අය යන්ත්‍රය අසල ගැවසුනාම සැක හිතනවා අඩු නිසා. කෙනෙක් යන්ත්‍රය අසලට ගිහින් විනාඩියකට දෙකකට වඩා යන්ත්‍රය අසළ ගැවසෙනවනම් පොඩ්ඩක් ඒ ගැන අවධානය යොමු කළානම් ඒ අය විනාශකාරි දෙයක් කරන එක වළක්වන්න පුලුවනි.

ප්‍රධානම දේ එක් අයෙක් යන්ත්‍රයෙන් මුදල් අරන් තමන්ගෙ ගනුදෙනුව අවසන් කරනකන් ඒ යන්ත්‍රය අසලට නොයාම. මොකද යන්ත්‍රය පාවිච්චි කරන කෙනාගෙ අවධානය වෙනස් වුනාම යන්ත්‍රයෙ වෙනසක් දැක්කත් ඒකට වඩා තමන්ට පිටුපස ඉන්න කෙනා පිළිබඳව අවධානය යොදවන නිසා ඒයන්ත්‍රයෙ වෙනස අමතක වෙන්න පුලුවනි. එයින් වෙන්නෙ තමන්ගෙ කාඩ්පතත් බේරාගැනීමට තියෙන අවස්ථාව නැති වීම වෙන්න පුලුවනි.

අනික යන්ත්‍රයට ආගන්තුක කොටස් සවි කරන අය එක් අයෙකුට වඩා යන්ත්‍රය අසලට එන්න පුලුවනි. අපේ අයත් දෙන්නා තුන්දෙනා යන්ත්‍රය අසලට ගිහින් රැස්වෙන්න ගත්තම වටාපිටාවෙ හැමෝටම ඒක සාමාන්‍ය දෙයක් වෙනවා. එතකොට දෙන්නා තුන්දෙනා එක්රැස්වෙලා යන්ත්‍රය අසළ සිටියත් ඒ ගැන අවට අය අවධානය යොමු නොකරාවි. එය සොරුන්ට තමන්ගෙ කාඩ්පත් පිටපත් කරන යන්ත්‍ර සවිකිරීමට පහසුවක් වේවි.

තවත් දෙයක්, දැනට බොහෝවිට පිටපත් වෙන්නෙ පරණ විදියට හදපු එහෙම නැතිනම් චිප් එක ඇතුලත් නොවෙන කාඩ්පත්. චිප් එක තියෙන කාඩ් පත් පිටපත් නොවෙනවා කියන්න බෑ. නමුත් දැනට ලංකාවෙ බැංකු රැසක් චිප් එක අඩංගු කරපු ඒ වගේම NFC තාක්ෂණය පාවිච්චි කරන කාඩ් නිකුත් කරන නිසා ඒ වගේ කාඩ්පතකට මාරු වන එකත් තරමක හොඳ පියවරක්. නමුත් මේ තාක්ෂණය පවා පිටපත් කරන්න පුලුවන් බව මතක තබා ගන්න. 

Xperia Phone එකට සිංහල දමමු. (Root and install SInhala into Sony Xperia - then Unroot)

සෝනි ජංගම දුරකථන තියෙන ගොඩක් දෙනෙක් ආසාවෙන් බලන් හිටියා ලොලිපොප් සංස්කරණය තමන්ගෙ ජංගමයට ලැබෙනකන්. මොකද ලොලිපොප් සංස්කරණය භාෂාවන් විශාල ප්‍රමාණයකට සහය දක්වනවා එහෙම නැතිනම් කිට්කැට්, ජෙලිබීන්ස් වලදි අපිට නොපෙන්වු භාෂා ගණනාවක් පෙන්වීම සිදුකරනවා කියලා තිබුණ නිසා. නමුත් ලොලිපොප් එනකන් බලන් ඉදලා තමන්ගෙ ජංගමය ලොලිපොප් වලට යාවත්කාලීන කරගත්තු අය දැකපු දෙයක් තමයි තමන්ගෙ ජංගමයෙ තවමත් සිංහල අකුරු පෙන්වන්නෙ නැති බව. ඊට හේතුව විදියට සෝනි සමාගම කියන්නෙ අපේ රට අයිති කලාපයට ඔවුන් ජංගම දුරකථන නොසාදන නිසා සිංහල අැතුලු සමහර භාෂාවන්ට සහයෝගය නොදක්වනවා කියලා. මෙතැනදි ඔවුන් කරලා තියෙන්නෙ සමහර රටවල භාෂාවන් පෙන්වීමට අවශ්‍ය අකුරු සහිත ලිපි ගොනුව ඉවත් කර තමන්ගෙ ලොලිපොප් යාවත්කාලීනයේ  (update) file size එක අඩු කිරීම. 

මේ ගැන අපේ බොහෝ දෙනෙක් sony talk පිටුවල ඉල්ලීම් කරලා තිබුනා අපට සිංහල ලබා දෙන්න කියලා.(https://talk.sonymobile.com/t5/Xperia-Z-ZL-ZR/requesting-sinhala-font-Unicode/td-p/386255)  මෙම sony talk පිටු සාමාන්‍යයෙන් community ආකාරයට ක්‍රියාත්මක වන නිසා මේවාට සෝනි සමාගමෙන් පිළිතුරු බලාපොරොත්තු වෙලා වැඩක් නෑ. ඒ වෙනුවට sony mobile ගිණුම හරහා ඔවුන්ගේ contact us වෙත ඉල්ලීම් කරන්න ඕනෑ සිංහල හා ආසියානු භාෂාවන් නොමැති වීම ගැන. මොකද අපි රූට් කරලා අපේ ජංගම දුරකතනයට සිංහල දමා ගත්තත් අනාගත update එකක් මගින් ආපසු font ගොනු වෙනස් කළොත් අායෙත් අපිට සිංහල අකුරු දමාගන්න root කරන්න වේවි. 

පහත දක්වන ක්‍රමය මගින් අපට පරිගණකයක් භාවිතා නොකරම xperia ජංගම දුරකථන root කිරීමත් සිංහල අකුරු දමාගැනීමත් පසුව ජංගම දුරකථනය unroot කිරීමත් සිදුකරගන්න පුලුවනි. (නමුත් තමන් කරන දේ ගැන පරීක්ෂාවෙන් අවබෝධයෙන් කටයුතු කරන්න. මොකද ජංගම දුරකථනයට හානියක් වුනොත් පාඩුව වෙන්නෙ තමන්ට ම නිසා)

bootloader unlock කිරීම අවශ්‍ය නොවන නිසා ජංගම දුරකථනයේ features වලට හානියක් නොවේ.

kingroot android app එක ගන්න පහත සබැදියක් පාවිච්චි කරන්න
https://app.box.com/s/q4xk6g0xjpejf8g3d4kk15ovhcjyjl1i
http://www.kingroot.net/down
http://kingrootdownload.com/
http://forum.xda-developers.com/devdb/project/dl/?id=12586

එම app එක ජංගම දුරකථනයට ස්ථාපනය (install) කරගෙන ක්‍රියාත්මක කරන්න. install කිරීම සදහා settings තුල security තුල Unknown Sources (Allow installation of apps from unknown sources) සක්‍රිය කර තිබීම අවශ්‍ය විය හැක.

එමෙන්ම ජංගම දුරකථනයේ අන්තර්ජාල පහසුකමද සක්‍රියව තිබිය යුතුය.

kingroot ක්‍රියාත්මක කළ විට මෙලෙස දිස්වනු ඇත.

දැන් START ROOT බොත්තම එබු විට

 මෙහිදී මෙම app  එක install කර නොගත්විට unroot පහසුකම නැති වී යයි. එනම් ඔබ නැවත අන්රූට් කිරීමට බලාපොරොත්තු වනවානම් මෙම app එක දමා ගැනීම පහසුවක් වේවි. unroot කිරීමට බලාපොරොත්තුවක් නොමැතිනම් google play store තුලින් Super Su වැනි app එකක් දමා ගැනීමෙන් root access හැසිරවිය හැක.

ජංගම දුරකථනය root වූ පසුව මෙසේ දිස්වේ.

google app store වෙත ගොස් root checker app එකක් හා root file browser/explorer app එකක් ජංගම දුරකථනයට ස්ථාපනය කරගන්න.

root checker app එක ක්‍රියාත්මක කළ විට අපට root access ලැබී ඇත්දැයි පරික්ෂා කළ හැක.

දැන් root file browser/explorer app එක ක්‍රියාත්මක කර sinhala font ගොනු ස්ථාපනය කරගන්න.
(font installer app එකක් භාවිත කළොත් මෙම කාර්යය තවත් පහසු වනු ඇත. එනම් පහත පියවරයන් කීපයක් එම ඇප් එක මගින් සිදු කරදෙනු ඇත)

මේ සදහා sinhala font files ජංගම දුරකථනය තුල පවතින System> Fonts folder තුලට copy-paste කරන්න. ඔබ සිංහල font file ලෙස NotoSansSinhala-Bold.ttf හා NotoSansSinhala-Regular.ttf භාවිත කළහොත් fonts වලට අදාල configuration file එකතුල කිසිදු වෙනස්කමක් සිදු කළ යුතු නොවේ. (font installer app එකක් භාවිත කළොත් මෙම කාර්යය තවත් පහසු වනු ඇත)

NotoSansSinhala-Bold.ttf:  https://app.box.com/s/nqm5igshwk9351qxsh3fkjuthhd3meqr
NotoSansSinhala-Regular.ttf : https://app.box.com/s/cs7x9mjeo6fnqhko62awm1l2ksq255et

font file වල permission/access සෑදීම සිදුකළයුතු වේ.

දැන් ජංගම දුරකථනය restart/reboot කරගන්න. පළමුවර පණගැන්වීමේදී මද වේලාවක් android is upgrading හෝ ඒ හා සමාන වාක්‍යයක් පෙන්විය හැක. අනතුරුව ජංගම දුරකථනය හරහා සිංහල අකුරු කියවිය හැක.

ජංගම දුරකථනය අන්රූට් unroot කිරීමට kinguser app එක ක්‍රියාත්මක කර පහත රූපසටහන්වල ආකාරයට කටයුතු කරන්න.

දැන් root access ඉවත් වී ඇත්දැයි පරික්ෂා කිරීමට root checker ඇප් එක භාවිතා කරන්න. 

මෙම ක්‍රියාවලියේදී install වූ හා කළ apps ජංගම දුරකථනයෙන් uninstall කරන්න.


සිංහල keyboard app එකක් පාවිච්චි කරලා සිංහල type කරන්න පුලුවනි.

ඊබේ-පේපෑල් දීගය ජුලි 1න් අවසන්.

බය හිතෙනවා නේද? ලංකාවෙදි අන්තර්ජාලය පාවිච්චි කරන බොහෝදෙනෙක්ගෙ බලාපොරොත්තුව රටින් අඩුවට බඩු ගෙන්වන එක නැතිනම් අන්තර්ජාලය පාවිච්චි කරලා සල්ලි හොයන එක. ඉතින් මේ රටින් බඩු ගෙන්වන අය වැඩිදෙනෙක් පාවිච්චි කරන අන්තර්ජාල වෙළදපොලක් තමයි ඊ්බේ කියන්නෙ. 

ඊබේ වගේම පේපෑල් සමාගමත් අයිති eBay Inc. corporate family of companies වලට. නමුත් දැන් මේ ඊබේ සමාගමත් පේපෑල් සමාගමත් වෙන්වෙන්න යනවා කියන්නෙ එක සමාගමක් බංකොලොත් නිසා විකුණලා දානවද කියලා හිතෙන්න පුලුවනි. අැත්තම ගත්තොත් එ් සමාගම් දෙකෙන් එකක්වත් විකුණාදැමීමක්වත් බංකොලොත් වීමක්වත් නිසා නොවෙයි මේ සමාගම් වෙන් වෙන්න යන්නෙ. එ් සමාගම් දෙකේම කටයුතු සහ අනාගත දියුණුව වෙනුවෙන් මේ තීරණය ගත් බවයි www.paypal.com ප්‍රකාශ කරන්නෙ. ඉතින් අපි ඊබේ වලින් මිලදී ගැනීමක් සිදු කළාම එ් දේ අපිට ලැබුණම හරි නොලැබුණම හරි අපිවෙනුවෙන් ඊබේ හා පේපෑල් ගත්තු ක්‍රියාමාර්ග ඉදිරියටත් එ් විදියටම පවතීවි. කොටින්ම ඊබේ එකෙන් මිලදී ගත්තු දේවලට මුදල් ගෙවීමත් පේපෑල් හරහාම ඉදිරියටත් වේවි. 

වැඩිවිස්තර https://www.paypal.com/md/webapps/mpp/paypal-ebay-update මගින් ලබාගන්න පුලුවනි.

දැලිපිහිය ලැබුනු කවුදෝ වගේ ලිනක්ස් ගත්තු අපේ අය

ලිනක්ස් , උබුන්ටු. මේ වචන දෙකෙන් ලංකාවෙ වැඩි දෙනෙක් දන්නවා ඇත්තෙ උබුන්ටු කියන නම. මොකද අපේ අයට නිකන් දෙන ඕන දෙයක් ආසාවෙන් ලං කරගන්න නිසා නොමිලේ සීඩී එවනවා කියලා දැනගත්තම ගෙදර සීඩී ප්ලේයර් වල ප්ලේ කරන්නත් සීඩී ගෙන්නා ගත්තෙ තොග පිටින්. ඒ වුනාට ලංකාවට කැනොනිකල් ආයතනෙන් තැපැල් කරපු සීඩී වලින් කීයක් ඒ ගෙන්වාගත්තු අය පාවිච්චි කරන්න ඇතිද? කැනොනිකල් ආයතනෙ බලාපොරොත්තු වුනේ වැඩි දෙනෙකුට තමන්ගේ නිෂ්පාදන නොමිලේ ලබා දෙන්න වුනත් අපේ අය නම් කලේ තමන්ගේ නම වෙනස් කරලා හරි ලිපිනය වෙනස් කරලා හරි ඒ සීඩී ගෙන්නා ගත්තු එක. 

සමහරු තමන්ගෙ වාහන වල අලවා ගන්න, වගේ වැඩ වලටත් ඒ සීඩී පාවිච්චි කරනවා දකින්න ලැබුනා. (කාලයක් තිබුනනෙ සීඩී එකක් වාහනේ ඉස්සරහ ඇලෙව්වම පොලිසිය වාහනේ වේගෙ බලන උපකරණෙ හරියට ක්‍රියාත්මක වෙන් නෑ කියලා ගෙදර තියෙන සීඩී වාහනේ අලවන් ගියපු)

දැන් ඉතින් ආවොත් උබුන්ටු ගැන කතා කරන්න, ලංකාවෙ මයික්‍රොසොෆ්ට් මෙහෙයුම් පද්දති වලට පස්සෙ වැඩි දෙනෙක් දන්න මෙහෙයුම් පද්ධතිය තමයි උබුන්ටු. ඉතින් නිකන් දෙන නිසා තමන්ගෙ ගෙදරට ගෙන්නාගත්තු සීඩී කලාතුරකින් කෙනෙක් තමන්ගේ පරිගණක වලට ස්ථාපිත කරගන්න ඇති. මුල් වතාවෙ ඉන්ස්ටෝල් කරද්දි තමන්ගෙ පරිගණකයේ කලින් තිබුන හැමදේම මකාගෙන උබුන්ටු දාගත්තු කීපදෙනෙක්ම මට හමුවෙලා තියෙනවා. මොකද අපි පුරුදු වෙලා තියෙන්නෙ පරිගණකය පාවිච්චි කරද්දි එන පණිවුඩ කියවනවා වෙනුවට ඒ පණිවුඩය නොකියවා ම ඉදිරියට යන්නයි. ඉතින් අපි කරන්නෙ finish පණිවිඩය ලැබෙනකන් yes ඔබන එක. අන්තිමට උබුන්ටු දාගත්තම වින්ඩෝස් වල තිබුනු ෆයිල් ටික නැතිවෙලා. ඊට පස්සෙ කරන්නෙ සිංදුවක් අහන්න ෆිල්ම් එකක් බලන්න ට්‍රයි කරන එක. එතකොට තමයි තේරෙන්නෙ නිකන් දුන්න අශ්වයාගේ දතුත් නෑ උට ඇස් පේන්නෙත් නෑ කියලා. (මොකද සීඩී ගෙන්නුවාට ඒ සීඩී වල උඩ ගහලා තියෙන දේවල්වත් සීඩී ඉල්ලනකොට ඒ සයිට් එකේ කියලා තියෙන දේවල්වත් හරියට කියවලා නෑ) ඉතින් උබුන්ටු දාගත්ත කෙනා දැන් තමයි දැනගන්නෙ ලිනක්ස් කියන්නෙ මොනවගේ දෙයක් ද කියලා. ඊළගට කරන්නෙ උබුන්ටු එහෙමම තියෙද්දි වින්ඩෝස් දාගෙන ලිනක්ස් වලටයි උබුන්ටු වලටයි දෙකටම බනින එක. 

ඇත්තටම උබුන්ටු පාවිච්චි කරන්න ඕන කෙනා කරන්නෙ තමන්ට අවශ්‍ය දේ අන්තර්ජාලේ හොයමින් දිගටම උබුන්ටු පාවිච්චි කරන එක. අද වගේ අන්තර්ජාලෙ  (මිල/වේගය)  නොතිබුනකාලෙ නම් මේ විදියට තමන්ගෙ දෛනික කටයුතු වලට උබුන්ටු හරිගස්සාගන්න සෑහෙන කට්ටක් කන්න වුනා. 

මේ කට්ට කන්න බෑ කියලා හිතුන අය වින්ඩෝස් වලට ආයෙත් ගියත්, සමහරු මෙච්චර කට්ටක් කන්න වෙන් නැති ලිනක්ස් මෙහෙයුම් පද්ධති හොයන්න පටන් ගත්තා. දැන් අන්තර්ජාලය නිසා ලේසියෙන් තමන්ට අවශ්‍ය දේ බාගත කරගන්න පුලුවන් වුනත් 2009ට පෙර කාලෙ සීඩී ඩීවීඩී නැතිව සොෆ්ට්වෙයා ඩවුන්ලෝඩ් කරලාම පාවිච්චි කරන්න යොමු වුනේ ටික දෙනයි. ඒ වෙනුවට ඕනෑම සොෆ්ට්වෙයා සීඩී එකක් රුපියල් 100ට කඩෙන් ගන්න පුලුවන් වුනා. 

ඒත් සීඩී කඩවල ලිනක්ස් හොයන්න ගියපු කෙනෙක් අත්දැකීමෙන්ම දන්නවා ඇති ලිනක්ස් කියන වචනෙ ඇහුනම කඩේ අයගේ ප්‍රතිචාර. (මල්ලි ලිනක්ස් පාවිච්චි කරන්න අමාරුයි නෙ. වැඩ කරන්නෙ  command line  එකෙන් නෙ. ගේම්ස් ගහන්න බෑ නෙ. ලිනක්ස්? ඇහුවෙත් අදයි. ) 

ඉතින් ඒ  කඩේකට දවස් දෙකතුනකින් ගිහින් නිකන් ගෙන්නා ගත්තු ලිනක්ස් සීඩීයක් විකුණලා ඒ වෙනුවට වෙන සීඩී දෙකතුනක් ගත්තු අවස්ථාත් අපේ ජීවිතේ තිබුනා.

ඉතින් දැන් බලමු කට්ට කාලා ලිනක්ස්/උබුන්ටු එක්ක ඉන්න අයගේ හැසිරීම කොහොමද කියලා. ලිනක්ස් පාවිච්චි කරන කෙනා බලන්නෙ තමන් පාවිච්චි කරන දේ තවත් අවශ්‍ය අයට බෙදා හරින්න. ඉතින් මේ අය ලිනක්ස් ඕන කියන අයට ලිනක්ස් ඉන්ස්ටෝල් කරලා දෙනවා පහසුවෙන්ම. සාමාන්‍යය පරිගණකයක් මේ වෙද්දි පාවිච්චි වෙන්නෙ ෆිල්ම් බලන්න, සින්දු අහන්න, ඉන්ටර්නෙට් යන්න විතරක් නිසා ඒ තරම් ගැටලුවක් වෙන්නෙත් නැති නිසා ඊට පස්සෙ අර ලේසියෙන් ලිනක්ස් දාගත්තු කෙනා කරන්නෙ ලෝකෙ තියනෙ හැම පරිගණකයකටම ලිනක්ස් දාන්න ඕන කියලා පරිගණක පාවිච්චි කරන අයට ලිනක්ස් ගැන දේශනා දෙන එක. 

තමන් වැඩ කරන තැන හැම  පරිගණකයක්ම ලිනක්ස් වෙන්න ඕන, ගෙවල් වල වින්ඩෝස් පද්ධති පාවිච්චිය අතඅරින්න ඕන කියලා කතන්දර කෝටියයි. ඒ අය හිතන්නෙ වයින් හරි ක්‍රොස්ඕවර් එහෙමත් නැතිනම් මොනෝ වගේ දේවල් දාලා ලිනක්ස් පාවිච්චි කරන්න හැම කෙනාම එකතු වේවි කියලා. එහෙම කරන්න පුලුවනි පරිගණක සාක්ෂරතාව කියන දේ වින්ඩෝස් මතට යොමු නොවීතිබුනනම්. මොකද ආයතනයක් ගත්තම ඒකෙ පරිගණක 500ක් ලිනක්ස් වලට හරවනවා කියන්නෙ ඒවා පාවිච්චි කරන අයට පුහුණුව ලබා දෙන්න -දෛනික කටයුතු වලට පාවිච්චි කරන සොෆ්ට්වෙයා ලිනක්ස් මතට හරවා ගන්න, ඒ වගේම ලිනක්ස් වලට අමතර සේවා ලබා ගන්න යන වියදමට වඩා වින්ඩෝස් ජෙනුයින් කොපි මිලට ගන්න එක  වාසි දායක වේවි. 

මම ෆේස්බුක් එකේ දැකලා තියෙනවා එක ගෘෘප් එකක් ලංකාවෙ කට්ටියක් බොරු ප්‍රචාර දෙමින් ලිනක්ස් පාවිච්චි කරන අය වැඩි කරගන්න උත්සාහ කරනවා. ඇපල් ඕඑස් එක අද විතරයි ෆ්‍රී දෙන්නෙ කියකියා පෝස්ට් හද හද දානවා linux distro/distribution වලට ලින්ක් කරකර. ඉතින් ඇපල් ඕඑස් ගන්න ආපු කෙනා බැන බැන යනවා ඇපල් නැති නිසා. මේ ගෲප් එක කරන අය ලිනක්ස් කියන්නෙ මොකක්ද? කියලා හරියට දන්නවාද දන් නෑ. රැවටිලා ලිනක්ස් වෙතට එන කෙනා ආවටත් වඩා ඉක්මනට අායෙත් යන එක අනිවාර්යයි. 

මේ ආකාර විවිධ හේතු තිබුනත් ලිනක්ස් කියන්නෙ ඉතාම බලවත් ආරක්ෂාකාරී ඒ වගේම පාවිච්චි කරන්න ඉතාම ලේසි මෙහෙයුම් පද්ධතියක්. 2004 මම මුලින්ම ලිනක්ස් පාවිච්චි කරද්දි දැකපු ගොඩක් දේ මේ වෙද්දි වින්ඩෝස් වලට ඇවිත් තියෙනවා. kde, gnome වගේ ඩෙස්ක්ටොප් environment වල මුල් කාලෙ තිබුන දේවල් වින්ඩෝස් වලට ලබාදෙනකොට ඒවා මැජික්වගේ දැකලා වින්ඩෝස් වල මේක තියෙනවා-ලිනක්ස් වල නෑනෙ කියනකොට මටනම් හිතෙන්නෙ එහෙම කියන කෙනා ගැන අනුකම්පාවක්. මොකද දැන් වින්ඩෝස් 10 එක්ක multiple desktop feature එනවාලු. ඒ වුනාට ලිනක්ස් වල අපි ඒක දැක්කෙ මීට සෑහෙන කාලෙකට කලින්. 

ඕපන්සෝස් කියන්නෙ සෝස් කෝඩ් එක හැමෝටම ලැබෙන නිසා ආරක්ෂාව අතින් ප්‍රශ්නයක් කියලා හිතන අයත් අපි අතර ඉන්නවා. එහෙමනම් ලෝකෙ සියයට 70ට වඩා සර්වර් ලිනක්ස් පාචිච්චි කරන්නත් රටවල් (චීනය,රුසියාව) පිටින් ලිනක්ස් වලට යොමු වෙන්නත් ඉලෙක්ට්‍රොනික උපකරන වලට ලිනක්ස් පාවිච්චි කරන්නත් හේතුවක් නෑ. (windows xp ඉවත් වීමත් සමග ඉන්දියාව xp වලින් වැඩ කරපු ATM වලට ලිනක්ස් පද්ධතියක් දාන්න සූදානම් බව ආරංචි වුනා පහුගිය අවුරුද්දෙ. ජර්මනිය දැනට දශකයක පමණ සිට ලිනක්ස් වෙතට යොමුවුනත් මේ වෙද්දි රටේ තීරණ ගන්නා අය මුදලට යට වීම නිසා ආපසු වින්ඩෝස් වෙතට යන බවත් මේ දිනවල කියැවෙනවා, apache සර්වර් එක තරම් බලවත් ඒකට ආදේශක සර්වර් එකක් මයික්‍රොසොෆ්ට් වෙතින් නිපදවලා නෑ තවම)

ඒ කොහොම වුනත් ලිනක්ස් පාචිච්චි කරන්න කැමති කෙනෙක් ඉන්නවානම් මුලින්ම linux mint (www.linuxmint.com) පාවිච්චි කරන්න. ඒකෙ මම මුලින් කීව ගොඩක් ප්‍රශ්න නෑ - මොකද ලිනක්ස් මින්ට් කියන්නෙ උබුන්ටු වැඩිදියුණු කරලා හදපු පද්ධතියක්. ඉන්ස්ටෝල් කරපු ගමන්ම අමතර කිසි දෙයක් කරන් නැතිවම සිංදු අහන්න ෆිල්ම් බලන්න ඉන්ටනෙට් යන්න පුලුවනි. 

ඒ වගේම distrowatch (www.distrowatch.com) සයිට් එක බැලුවනම් තමන්ගේ තියෙන ඕනම පරිගණකයකට හරියන ලිනක්ස් මෙහෙයුම් පද්ධතියක් හොයාගන්න පුලුවන් වේවි. 

ඇංඩ්‍රොයිඩ් පෝං. මල් පැල හිටවන්න විතරයි.

මදැයි කාලෙකට පස්සෙ බ්ලොගේ පැත්තෙ ආවා. ලියන්න පටන් අරන් මාත්තුරුකාව දානකොටම පබිලිස් වෙලා.

බලපු බලපු අත අැන්ඩ්‍රොයිඩ් හරි මොකක් හරි ටච් ස්ක්‍රීන් පෝං එකක්. කන් දෙකේ ඇබ ගහාගත්තු අය එහෙ මෙහෙ යනවා. ඒත් ඉතිං කීයෙන් කීයද ඒ පෝං එකෙන් සිංදු අහනවාට පේස්බුක් යනවාට කෝල් ගන්නවාට වඩා දෙයක් කොරන්නෙ?

ඇංඩ්‍රොයිඩ් පෝං කියන්නෙ අපිට ඉතා හොඳ ගමන් සගයෙක්

පාරක් හොයා ගන්න, නැතිතිනම් පොටෝ එකක් අල්ලන්න, ජංජාලෙ කැරකෙන්න තව ගේම් ගහන්න ෆිල්ම් බලන්න කලුවරට ටෝච් එකක් ඒ විතරද කාලසටහන් දා ගන්න දිනපොත් ලියන්න ගනුදෙනු සටහන් කරන්න එකී නොකී කීයක්නම් දේ කරන්න පුලුවනිද.

ඒත් ඉතිං කලිං පාවිච්චි කරපු පෝං වගේ නෙවෙයි. හරි ඉක්මනින් බැටරි බහිනවා. ඒ නිසා මල් පැල හිටවන්න පාවිච්චි කළාට මල් කඩන්න නම් ඒ තරම් සුදුසු නෑ වගෙයි.

උත්සාහය, ප්‍රචාරණය, නිදහස හා පරිගණක මෙහෙයුම් පද්ධති වෙනුවෙන් කඩේ යාම

පරිගණකය, දැන් නැතිවම බැරි මෙවලමක්. එකඟ වෙන්න වෙනවා අනිවාර්යයෙන්ම. 

පරිගණක මෙහෙයුම් පද්ධතියක් නැතිව පරිගණකය පාවිච්චි කරන්න පුලුවනිද? කියාවි බ්‍රව්සර් එක විතරක් පාවිච්චි කරලා ක්ලව්ඩ් පද්ධති වල දත්ත රඳවන්න නිපදවනලද නෙට්බුක් තියෙන බව. ඒ වුනාට අපි හැමෝටම පුලුවනිද ක්ලව්ඩ් මත විශ්වාසය තියාන ක්ලව්ඩ් එක්ක වැඩ කරන්න දැනට අපි පාවිච්චි කරන අන්තර්ජාල සම්බන්ධතා එක්ක. අනික ක්ලවුඩ් සර්විස් වෙනුවෙන් අපි යම් මුදලක් මාසිකව හෝ වාර්ෂිකව ගෙවන්න වුනොත්?

වින්ඩෝස්, මැක්, ලිනක්ස් කියන්නෙ අපේ පුද්ගලික පරිගණක වෙනුවෙන් නිපදවන ලද මෙහෙයුම් පද්ධති කීපයක ප්‍රධාන නාමයන් කීපයක්. අපි අතර ඉන්න බොහෝ දෙනා කරන්නෙ තමන් කරන දේ හරිය, අනික් අය වැරදිය කියන මතය සමාජයට බලෙන් ඔබ්බවන්න උත්සාහ කරන එකයි. ඉතින් වින්ඩෝස් පාවිච්චි කරන කෙනා කියාවි ලිනක්ස් , මැක් හොඳ නෑ කියලා. මැක් පාවිච්චි කරන කෙනා කියාවි ලිනක්ස් , වින්ඩෝස් හොඳ නෑ කියලා. ඉතින් ලිනක්ස් තමයි හොඳ කියන්නත් කෙනෙක් ඉඳීවි. ඒ වුනාට අපි කවුරුත් හිතන් නෑ නේද මේ පද්ධති තුනම නැතිනම් අනික් එකකටවත් පැවැත්මක් නැති බව. 

වින්ඩෝස් මෙහෙයුම් පද්ධතිය ගත්තම බිල් ගේට්ස් විසින් තමන් විසින් කරන ලද නිර්මාණයක් ලෙස එළි දක්වන ලද එම්-එස්-ඩොස් කියන්නෙ තනිකරම තමන් විසින් නම වෙනස් කරන ලද ඩොස් පද්ධතියක් කියලා අන්තර්ජාලෙ තිබුනා මතකයි. නමුත් බිල් ගේට්ස් ගේ එම ආරම්භය නොතිබෙන්න අපි අද පුද්ගලික පරිගණක පාවිච්චි නොකරාවි. මොකද තනි පුද්ගලයෙක් ලෙස පරිගණක පාවිච්චි කරන්න පුලුවන් තත්වෙට මෙහෙයුම් පද්දතිය සුමට කරන්න උත්සාහ කරන ලද්දෙ බිල් ගේට්ස් විසින්. ඒ වගේම ඇපල් මැක් ගත්තම තනිකරම මුදල් මත යැපෙන සමාගමක්. ඔවුන් කරන්නෙ තමන්ගෙ මෘදුකාංග වෙනුවෙන් දෘඪාංගත් තමන්ම නිර්මාණය කරන එකයි. එනම් දෘඪාංග විකුනන්නෙ මෘදුකාංගත් එක්කමයි. ඒ කියන්නෙ හැම දේටම මුදල්

නමුත් බිල් ගේට්ස් මෙතැනදි සිදු කරන්නෙ තමන්ගෙ මෘදුකාංග විකුනනවා වෙනත් අයගෙ දෘඪාංග වෙනුවෙන්. ඒ නිසා විවිධ සමාගම් නිපදවන දෘඪාංග වෙනුවෙන් තම මෙහෙයුම් පද්ධතිය නිර්මාණය කරනු ලබනවා. ඉතිං වින්ඩෝස් මෙහෙයුම් පද්ධතිය විශාල වශයෙන් පාවිච්චි වෙන්න ඒකම හේතුවක් නෙවිද? 

තවත් දෙයක්, බිල් ගේට්ස් කියන්නෙ දක්ෂ වෙළඳ ප්‍රචාරකයෙක්. ඒ නිසායි ඔහු විසින් ඩොස් පද්ධතිය එම්-එස්-ඩොස් ලෙස වෙනස් කළේ. තවත් දෙයක්, වින්ඩෝස් ලබා දෙන්නෙ මුදලට වුනත් ලෝකෙ පුරා කීයක් නම් හොර කොපි පාවිච්චි වෙනවාද? වින්ඩෝස් තනිකරම මාකටිං මත යැපෙන බව අපට අවබෝධ කරවන්නෙ මුලින් තිබුන 95, 98 පද්ධති ඇක්ටිවේට් කරන්න කියලා බලපෑමක් නොවුන නිසා අපි හිතුමතේට අපගේ පරිගණක වලට ඒ පද්ධති දමා ගෙන පාවිච්චි කරා. ලොව පුරා දෘඪාංග වෙළෙඳුන් මෘදුකාංග වෙනුවෙන් මුදල් නොගෙන පරිගණක දෘඪාංග විකිණනු ලැබුවා.  ඒත් දැන්, ලොව පුරා රටවල් අනවසර මෘදුකාංග පාලනයට නීති සකස් කරලා තියෙනවා මයික්‍රොසොෆ්ට් ආයතනේ බලපෑම මත. ඉතින් කොහොමෙයි හොර කොපි පාවිච්චි කරන්නෙ? දැන් වින්ඩෝස් 8 කියන්නෙ ඇක්ටිවේට් නොකර හරියාකාරව පාවිච්චි කරන්න බැරි මෙහෙයුම් පද්ධතියක්. ඒත් ඉතින් හොර කොපි පාවිච්චි වෙනවා. නමුත් කලින් තරම් ප්‍රතිශතයක් නෙවි. මෙතැනදි කරන ලද වෙළඳ උපක්‍රමය තමයි නිකන් බෙදා ගන්න දීලා ජනතාව ඒ වෙනුවෙන් ඇබ්බැහි කරවීම. වෙළඳපොල කොටස වැඩි වුනාම ප්‍රචාරණය නොකර තම වෙළඳාම සිදු වෙන බව බිල්ගේට්ස් තරම් වෙන කෙනෙකු හිතලා නැතිව ඇති. ඉතින් වින්ඩෝස් හරහා පරිගණකයට අත්පොත් තියපු කෙනෙක් පහුකාලීනව එම පද්ධතිය තමන්ගෙ පුද්ගලික පාවිච්චියටත් ගනු ලබයි. ඒ වගේම සිසුන් වෙනුවෙන් අඩු මිලට මෘදුකාංග ලබා දීම මගිනුත් මෘදුකාංග වෙළඳපොලේ තමන්ගෙ කොටස රඳවාගන්න උත්සාහ දරන්නෙ තම සිසුන් විදියට තමන්ගෙ මෘදුකාංග නොමිලේ හෝ සහන මිලට පාවිච්චි කළත් පසු කාලීනව ඔවුන්ට ශිෂ්‍ය ජීවිතෙන් පිටදි මුදල් ගෙවා මෘදුකාංග ලබා ගන්න සිදු වෙන නිසා.

ලිනක්ස් ගත්තම මේ සේරටම වඩා වෙනස්. යුනික්ස් පද්ධතිවලින් පැවතෙන ලිනක්ස් නොමිලේ ලබාගත හැකියි. ඒ වගේම මුදල් ගෙවලා ලබා ගන්න පුලුවන් වෙන පද්ධතිත් නිර්මාණය වෙනවා. නමුත් මේ පද්ධතිය මුල් යුගයේ තිබුනු සංකීර්ණ තත්වය නිසා තවම ජනතාව හිතන්නෙ හරිම සංකීර්ණ ඒ වගේම පාවිච්චි කරන්න අමාරු පද්ධතියක් විදියට. ඒ වුනාට දැන් ලිනක්ස් කියන්නෙ කලින් තිබුනට වඩා බොහෝ දියුණු ඒ වගේම user friendly පද්ධතියක්. සමහර අවස්ථා වලදි මැක්,වින්ඩෝස් වලට වඩා බොහෝ දියුණුයි. ඒ වුනත් ලිනක්ස් කියන්නෙ සර්වර් සඳහා පහසුවෙන් යොදා ගන්න පුලුවන් පද්ධතියක් බව කිව යුතුයි. 

ඉතින් මේ විවිධාකාර පද්ධති නොතිබුණානම් මේ වෙද්දි ලෝකය මේ තරම් දියුණුවක් අත් කර ගනීවිද? 

අපි මොකට තමන් පාවිච්චි කරන පද්ධතිය වර්ණනා කරමින් අනෙක් පද්ධති හෙළා දකිනවාද? හැම පද්ධතියෙම අඩුපාඩු ඒ වගේම හොඳ තිබෙන අතර ඒ අනුව තමන්ට හොඳින් ගැලපෙන පද්ධතිය තෝරා ගත හැකියි.

බ්ලොග් අවකාශයෙන් එපිට සිංහල යුනිකෝඩ් පාවිච්චිය

සිංහල බ්ලොග් අවකාශයතුල දැනට සිංහල බ්ලොග් විශාල සංඛ්‍යාවක් පවතින අතර ඒවායේ සිංහල යතුරුලියනය කිරීමට විවිධාකාර ක්‍රම භාවිතා වෙනු දැකිය හැකිය. මොන ආකාරයෙන් සිංහල යතුරුලියනය කළත් බොහොමයක් පරිගණක වලදි sinhala unicode  ස්ථාපනය වී ඇත්නම් අපට එම ලිපි පහසුවෙන් කියැවිය හැක. නමුත් බ්ලොග් අවකාශයෙන් එපිට ලෝකය දෙස බැලීමේදී පරිගණක යතුරුලියනය sinhala unicode පැමිණිමට පෙර තිබුනු තත්වයෙන් එපිටට ගොස් ඇත්නම් ඒ කලාතුරකිනි. එනම් තවමත් බ්ලොග් අවකාශයෙන් පිටත බොහෝදෙනා තමන්ගේ සිංහල ලිපි ලේඛණ කටයුතු සිදු කරනුයේ කිසියම් ආකාරයක සිංහල ෆොන්ටයක් පාවිච්චි කරමින්. එනම් ඒ ලිපි ලේඛණ වෙනත් පරිගණකයක් තුල පාවිච්චි කරන විට අපට අතීතයේ මෙන්ම එම ෆොන්ටය සෙවීමට සිදු වේ. මින් සිංහල යුනිකේත නිර්මාණයේ අභිමතාර්ථ ඉටු වීමක් සිදු නොවන බව මාගේ හැඟීමයි. එනම් සෑම පරිගණකයකම ඉංග්‍රිසි ලිපි ලේඛණ කටයුතු සිදු කළ හැකි ආකාරයටම සිංහල ලිපි ලේඛණ කටයුතු සිදු කිරීමේ හැකියාව නැතිව යයි.

ලිනක්ස් මගින් ඩොංගල් අන්ලොක් කරමු.

ඔබ සතුව කිසියම් ජාලයකට පමණක් පාවිච්චි කළ හැකි (අනෙක් ජාලයන්ගේ සිම් පත් සඳහා සහය නොදක්වන) ඩොංගලයක් තියේද? මේ වෙනකොට ඒ ඩොංගල් එක වෙනත් ජාලයක සිම්පතක් මගින් පාවිච්චි කරන්න අවශ්‍ය ද?

sinhala translation is available at unlock network blocked dongles to use any sim card from any operator using linux

කිසියම් ජාලයක් මගින් ඩොංගලය තම ජාලයට පමණක් පාවිච්චි කළ හැකි අන්දමට ලොක් කරනුයේ,

• වෙනත් තරඟකාරී ජාල වල සිම්පත් මගින් එම ඩොංගලය පාවිච්චි කිරීම වැලැක්වීමට
• පාරිභෝගිකයා තමන් වෙතම රඳවා ගැනීමට - පාරිභෝගිකයාට වෙනත් ජාලයක සිම් පතක් පාවිච්චි කිරීමට අවශ්‍ය නම් වෙනත් ඩොංගලයක් අලුතින් ගැනීමට සිදුවේ.

ඩොංගල් අන්ලොක් කරන්නේ

• වෙනත් ජාලයක සිම්පතක් පාවිච්චි කිරීමට
• මුලින් පාවිච්චි කරන ලද ජාලය පිළිබඳව කළකිරීම නිසා වෙනත් ජාලයකට යාමට
• වෙනත් ජාල මගින් වඩා හොඳ පැකේජ හඳුන්වා දී තිබීම . (බිල් ගෙවන්නෙ/වියදම් කරන්නෙ අපිනම් අපි මොකටද අපිට අවාසි වෙන පැකේජ පාවිච්චි කරන්නෙ)

පරිස්සම් වෙන්න

• බොහෝවිට ඩොංගලය අපි ගන්නකොට කිසියම් ජාලයකට බ්ලොක් කරනවා කියන්නෙ අපිට ඒ ඩොංගලය ලැබෙන්නෙ සහන මිලට හෝ නොමිලේ වෙන්න පුලුවනි. මෙහිදි ජාලය විසින් අපි සමඟ ගිවිසුමක් ඇති කරගෙන ඇති කිසියම් කාලසීමාවකට මෙම ඩොංගලය සමඟ ගන්න පැකේජය පාවිච්චි කරනවා කියලා. මේ විදියට ඩොංගල් එක නිකම් දීලා පැකේජ් එකෙන් ආදායම් ලබා ගන්නවා ඩොංගල් එකේ වියදමත් හොයා ගෙන. 
• ඉතින් ඩොංගල් එක අන්ලොක් කරලා හරි පැකේජ්එක පාවිච්චි කරන එක නවත්තලා දැම්මොත් හරි අපි ඩොංගල් එක ගනිද්දි අත්සන් කරන ලද ගිවිසුම අහෝසි වෙන්න පුලුවනි. එ් කියන්නෙ පැකේජ් එක සමඟ ලැබුනු ඩොංගල් එකට අපි සල්ලි ගෙවන්න වෙනවා. (පැකේජ් එක නිකන්ම අයින් කළත් පසුව ඒ වෙනුවෙන් මාස ගනනාවක් බිල ගෙවන්න සිදු වෙන්න පුලුවනි.)

කොහොම හරි ඩොංගල් එක වෙනත් ජාලයක් එක්ක පාවිච්චි කරන්න පුලුවන් කියන්නෙ අපිට ලොකු වාසියක්. මොකද අපේ රටේ තියෙන ජාල වලින් අපි බලාපොරොත්තු වෙන සේවාව සතුටුදායක මට්ටමින් ලැබෙන අවස්තා සීමිතයි. කිසියම් කාලයක් හොඳ සේවාවක් දෙන ජාලය මාස කීපයකින් ජංජාලයක්  වෙනවා. ඊට පස්සෙ වෙන ජාලයක් එනවා හොඳ සේවාවක් සපයන්න.

අලුත් පැකේජයත් එක්ක ඩොංගල් එක නිකන්ම වගේ දෙනවා වුනත් අපි පරණඩොංගල් එක විසි කරන්නෙ අපිට සල්ලි වැහි වැහැලා කියලා ද? අයියෝ සල්ලි. ඉතින් අපිට පුලුවනි අලුතින් සිම් එකයි පැකේජ් එකයි අරන් පරණ ඩොංගල් එක පාවිච්චි කරන්න.

(I'm using a linux (openSuse) operating system in my Laptop and I encourage other to use Linux on their computers. My dongle had cost me a sum of LKR 7829.99 on December 2009 (with one year warranty) without any plan or agreement but it has blocked to a mobile network operator from using another sim from other operators. Still I'm satisfied with the network but I needed to unlock the dongle for a fun because I needed to know is it could be done by my own.)



වැඩේ පටන් ගනිමු නේද එහෙනම්.

මුලින්ම අපිට ඩොංගල් එකේ IMEI‌ අංකෙ ඕන කරනවා අන්ලොක් කෝඩ් (unlock code) එක හොයා ගන්න. මේ අන්ලොක් කෝඩ් එක හොයා ගන්න උදව් වෙන වෙබ් සයිට් ඕනතරම්. මම පාවිච්චි කළේ ( http://www.mapmyplace.com/calc/ )

ලිනක්ස් පාවිච්චි කරද්දි අපිට බෑ වින්ඩෝස් වලදි වගේ කම්මැලි වෙලා අපේ වැඩේ කර ගන්න. අනික ටොරන්ට් එකකින් හොර කොපියක් බාගෙන දාගත්තා කියලා අපි දන් නෑ නෙව මේ අන්ලොක් කරන ක්‍රියාවලිය වෙන්නෙ කොහොමෙයි කියලා.
මුලින්ම අපි පරිගණකයට දා ගන්න ඕන "මිනි කොම්". මිනිකොම් තමයි අපිට උදව් වෙන්නෙ ඩොංගල් එක අන්ලොක් කරන්න. මිනිකොම් දාන්න බොහොමයක් ලිනක්ස් පද්ධති වල package manager පාවිච්චි කරන්න පුලුවනි. එහෙම නැතිනම් commandline පාවිච්චි කරන්නත් පුලුවනි.

උබුන්ටු නැතිනම් ඩෙබියන් පැකේජ් පාවිච්චි වෙන පද්ධති වලදි ටර්මිනල් එකේ ටයිප් කරන්න

sudo apt-get install minicom

රෙඩ්හැට්/ෆෙඩෝරා වගේ rpm පැකේජ් පාවිච්චි වෙන පද්ධති වලදි ටර්මිනල් එකේ ටයිප් කරන්න(yum installer)su yum install minicom

opensuse (zypper) පාවිච්චි වෙන පද්ධති වලදි ටර්මිනල් එකේ ටයිප් කරන්න
su zypper install minicom


මිනිකොම් දැම්මට අපි හොයා ගන්න ඕන කොයි පෝර්ට් එකේද ඩොංගල් එක පරිගණකයට සම්බන්ධ වෙලා තියෙන්නෙ කියලා. බොහෝවිට ඩොංගල් එක ttyUSB0  හරහා පාවිච්චි වෙනවා.
ටර්මිනල් එකේ මෙහෙම ටයිප් කරන්න. root/super user විදියට හිටියොත් ලේසියි terminal එකේ.

• "tail -f /var/log/syslog" on debian based systems or 
• "tail -f /var/log/messages" on rpm based systems 

විධානය දීලා ඩොංගල් එක ගලවලා ගහන්න. පහසුවෙන් හොයා ගන්න පුලුවනි ඩොංගල් එක පාවිච්චිවෙන ස්ථානය.

දැන් මිනිකොම් ආරම්භ කරමු. terminal එකේ superuser/root විදියට ඇවිත් ටයිප් කරන්න

minicom -s

දැන් පෙනේවි මේ විදියට

තෝරන්න "serial port setup". ඊට පස්සෙ මේ විදිය window එකක් පෙනේවි.

 "Change which setting?"ඉදිරියේ A ලබා දෙන්න.මෙතැනදි ඩොංගල් එක සවි වුන ස්ථානය ලබා දෙන්න පුලුවනි.

/dev/ttyS1 ස්ථානය වෙනස් කරන්න අපි හොයා ගත් ඩොංගල් එක සවි වුනු ස්ථානයේ අංකයෙන්. (මගේ නම් /dev/ttyUSB0)

 "Change which setting?" ඉදිරියේ E යොදලා Bps/Par/Bits මෙනුවට යන්න.

9600 තෝරාගන්න C යොදන්න  "Choice, or <enter> to exit කියන තැන.

කළින් මෙනුවට යන්න "enter" ඔබන්න.

දැන් පෙනේවි මේ විදියට serial device කියන තැනටයි Bps/Par/Bits තැනටයි අපි දුන්නු අගයන් ඇවිත් තියෙනවා.

"esc" ගහලා ප්‍රධාන මෙනුවට යන්න.

"modem and dialing" select කරන්න

මෙතැනදි මොඩමය අඳුරගන්නා බව පෙන්වයි. පසුව esc මගින් ප්‍රධාන මෙනුවට යන්න. exit තෝරන්න.

ප්‍රධාන මෙනුව අයින් වෙලා මේ විදියට පෙන්වාවි.

ඉතින් මෙතැන ටයිප් කරන්න අපේ ඩොංගල් එකේ අන්ලොක් කරන්න ඕන විධානය.


AT^CARDLOCK="12345678"

මේ විධානය කැපිටල් අකුරින් සටහන් වෙන්න ඕන. උපුටාගැනීමේ කොමා දෙක අතර සොයාගත් අන්ලොක් කෝඩ් එක ටයිප් කරන්න. මෙහිදී කොමා දෙකත් අනිවාර්යෙන්ම ටයිප් වෙන්න ඕනි. 12345678 වෙනුවට ඔබේ ඩොංගලයේ අන්ලොක් කෝඩ් එක යොදන්න.

enter එබුවාම ok කියලා ප්‍රදර්ශණය වේවි හරියට අන්ලොක් වුනා නම්.



AT^CARDLOCK="12345678"     
OK                                              


දැන් ඉතින් අනෙක් සිම් කාඩ් එක දාලා වැඩ කරනවාද බලන්න.

පලි-

thank you Girobiro's blog for the article about "Unlock 3G USB Dongles in Linux" helping me to get an idea how to unlock my dongle.

මයික් එකක් නිසා චාටර් වුනෙමි

පහුගිය දවසක අපේ පන්තියේ අයව ස්කයිප් හරහා සම්බන්ධ කරගෙන සාකච්ඡාවක් පැවැත්වෙන බව දන්වලා තිබුනා. ඉතින් මමත් කියපු වෙලාවට මගේ හෙඩ්සෙට් එකත් දාගෙන ස්කයිප් එකට ලොග් වුනා. ටික වෙලාවකින් අපේ යාලුවොටිකත් ඇවිත් කතා කරන්න පටන් ගත්තා. 

එත් මට අනික් අය කියන දේවල් ඇහුනත් මම කියන දේවල් අනික් අයට ඇහෙන් නෑ කියලා කට්ටිය කතා වෙනවා ඇහුනා. ඉතින් මමත් මොකද මයික් එක වැඩ නැත්තෙ කියලා හොයන්න උත්සාහ කරමින් හිටියා. මයික් එකට අදාල සෙටින්ස් වෙනස් කරලාත් ටෙස්ට් කෝල් කීපයක් අරන් බැලුවත් මයික් එක වැඩ නොකරන බව තමයි පෙනුනේ. ඉතින් මම අනික් අය කියන දේ අහගෙන චැට් එකෙන් උත්තර දුන්නා. අන්තිමට අපේ සාකච්චාව ඉවර වෙලා හෙඩ්සෙට් එක ගලවලා තියද්දි තමයි මම කරලා තියෙන මෝඩ වැඩේ තේරුනේ. 

හෙඩ්සෙට්එකේ volume control එක ලඟින් තවත් බට්න් එකක් තියෙනවා. ඉතින් මමත් ඒ බට්න් එක පොඩ්ඩක් අනෙක් පැත්තට තල්ලු කළා. ඊට පස්සෙයි හිතුනේ මේ බට්න් එක මයික් එකට සම්බන්ධයක් ඇති කියලා. ඉතින් මම ආයෙත් ස්කයිප් ගිහින් ටෙස්ට් කෝල්එකක් අරන් බැලුවා. මේ වැඩරන්නෙ මයික් එක. දැන් ඉතින් ක්ලාස් ගිහින් බයිට් වෙමුකෝ..

firefox මගින් files ඩවුන්ලෝඩ් කරමු (3G data bundle එක ඉතුරු කරමු)...

ගොඩක් දෙනා මේ වෙද්දි youtube වීඩියෝ ඩවුන්ලෝඩ් කරන්න තමන්ගෙ පරිගණකයට එක එක විදියෙ software install කරගෙන ඇති.. ඒ වුනාට අපිට අමතක වුනු දෙයක් තමයි web browser ( firefox, internet explorer , chrome වැනි) හරහා තමන් ගොඩවදින බොහෝ වෙබ් අඩවි අපට පෙන්වන්නෙ පරිගණකය මතට ඩවුන්ලෝඩ් කිරීමෙන් පසුව බව. අපි browser එක වසන විට ඩවුන්ලෝඩ්වූ මෙම files ඉබේම මැකී යනවා. ඉතින් අපි youtube වීඩියෝවක් ඩවුන්ලෝඩ් කරගන්න විවිධ software පාවිච්චි කරනවාට වඩා වාසියි නේද මේ ඩවුන්ලෝඩ් වූ file එක හොයාගෙන save කර ගන්න එක.

ගොඩක් දෙනා පාවිච්චි කරන්නෙ 3G packeages නිසා youtube හරහා නැරඹූ video එක ඩවුන්ලෝඩ් කරනවිට එම video එක වෙනුවෙන් තවත් වරක් තමන්ගේ package එකේ download capacity එක භාවිතා කිරීමෙන් වලකින්න පුලුවනි.

ඔබ පාවිච්චි කරන්නෙ firefox නම් url එක (වෙබ් ලිපිනය යොදන තැන) යොදන තැන about:support කියලා type කරලා enter කරන්න. එවිට Troubleshooting Information කියලා පිටුවක් විවර වේවි. එහි Application Basics නම් මාතෘකාව යටතේ ඇති Profile Directory තීරුවේ open containing folder නම් යොමුව (link) මත click කල විට firefox මගින් භාවිතා කරන folder එකක් open වේවි. එහි බලන්න cache නමින් folder එකක් ඇති. එම folder එක තුල තමයි මම මේ කීව files තාවකාලිකව ගබඩා කරගන්නෙ.

මේක අත්හදා බලන්න එම folder එක open කරගෙන firefox හරහා  වෙබ් පිටුවක් load කරගෙන folder එක තුල තියෙන files මොනවාද කියලා බලන්න..

cache  folder එකේ හැර වෙනත් folder වල files එක්ක සෙල්ලම් කරලා firefox ක්‍රියාත්මක නොවෙන තත්වයට පත් කරගන්නවා එහෙම නෙවෙයි හොඳේ...

නමුත් මම පාවිච්චි කරන්නෙ opensuse 11.3 (ලිනක්ස්) මත firefox 3.6.13 නිසා windows පාවිච්චි කරන අයට මේක කරන්න පුලුවන් වේවිද දන්නෙ නෑ. වින්ඩෝස් පරිගණකයක් හමුවුන විට පොඩ්ඩක් හොයලා බලලා කියන්නම්. මොකද මම රැකියාව කරන තැන දි අන්තර්ජාලය පාවිච්චි කරන්න විදියක් නෑ.

ඉංග්‍රිසි වචන පාවිච්චි කළේ ඒ වෙනුවෙන් යෙදෙන සිංහල වචන යෙදුවම ලිපිය තේරුම් ගන්න වෙන්නෙත්  අදාල ඉංග්‍රිසි වචනය හොයාගෙන ම නිසායි.

තාක්ෂණය හරහා සුබපැතීමේ කලාව හා හුදෙකලාවීම..

කෝල් වේටින් නැත
කෝල් ෆෝවඩින් නැත
කරුණාකර පසුව අමතන්න කියන්නේ නැත
කට+දිව වෙහෙසවිය යුතු නැත
වැඩි කාලයක් වැයකලයුතු නැත
වැඩි මුදලක් වැයකලයුතු නැත

කෙටිපණිවුඩයකින්
සමාජජාල පණිවුඩයකින්
විද්‍යුත් ලිපියකින්

අප
මිනිස් සබඳතා
තර කරගනිමින්
සිටින්නෙමු

ඉතින්
තවදුරටත්
කාලය
ශ්‍රමය
මුදල්
වැයකරමින්
වෙහෙසවිය යුතු
නැත

ඔබට සුභ ....... (කුමක් හෝ) වේවා !
යැයි
පණිවුඩයක්
යැවු විට
පිළිතුරද පැමිණේ

එක් එක් අයට
වෙන වෙනම
පණිවුඩ යටහන් කළයුතු නැත
එකක් සටහන් කර
ලැබිය යුතු අය තේරීම පමණි
කල යුත්තේ
ඉතිරි කොටස
තාක්ෂණය විසින්
බාර ගනී

මෙතරම් දියුණු
තාක්ෂණයක් මගින්
එකිනෙකා සමීප කලද
එම තාක්ෂණයම
අපව
හුදෙකලා කරන බව
මට සිතේ.....


තවත් සිංහල හින්දු අලුත් අවුරුද්දක් ළඟ ළඟම එයි. අප අතීතයේදී (අතීතයේ කීවද එතරම් අතීතයේ නොව , මීට වසර 15 පමණ පෙර කාලය මම මෙහිදී සලකමි) එය සැමරූ ආකාරයට වඩා තරමක් වෙනස් ආකාරයකට දැන් එය සමරන්නෙමු. නෑදෑ හිතමිතුරන් මුණගැසී සුබපැතූ අප දැන් ඔවුන් ව මුණ නොගැසී සුබ පතන්නෙමු.
දුරකථනය මගින් සුබපැතීමට පටන් ගත් අප ජංගම දුරකථනය පැමිණීමත් සමඟම කෙටිපණිවුඩ මගින් සුබ පැතීමට පටන් ගතිමු. අනතුරුව අන්තර්ජාලය හරහා විද්යුත් ලිපි (email) යැවිමටද , සමාජජාල හරහා සුබ පැතීමටද පටන් ගතිමු. දැන් video calls ද ඊට එකතු වී ඇත.

මේ ආදී ලෙස .තාක්ෂණය යොදාගෙන වැඩිදෙනෙකුට සුබපැතීම මගින් "මිනිස් සබඳතා තරකරගැන්මට" මිනිසා සමත් වුවත් එම තාක්ෂණයම අපව "හුදෙකලා කර ඇති බව" මට සිතේ...

සුභ අලුත් අවුරුද්දක් වේවා ......!

උද වන සිංහල - හින්දු අලුත් අවුරුද්ද බ්ලොග් අවකාශයේ සැරිසරන ඔබ සැමදෙනාටත් ,  ඔබගේ ආදරණීයයන්ටත් ශ්‍රීලාංකීය සැමටත් , ලෝකවාසී සැමටත් සුභම සුභ නව වසරක් වේවා ... ! යැයි මම ප්‍රාර්ථනා කරමි..

බුද්ධිමය දේපල පනත හා ලංකාවේ පරිගණක භාවිතය.

පසුගිය සතියේ පළවූ ප්‍රවෘත්තියකින් කියැවුණු පරිදි රත්මලාන හා හොරණ ප්‍රදේශ වල සිදුකල වැටලීම් මගින් අනවසර මෘදුකාංග භාවිතා කරන ලද පරිගණක රැසක් සොයාගෙන ඇත. (http://www.dailynews.lk/2010/04/05/bus26.asp)

නමුත් මෙහිදී නීති පනවා එම වරද පිළිබඳව නීතිමය ක්‍රියාමාර්ග ගැනීම විනා එහි ප්‍රායෝගික බව පිළිබඳව සලකා බැලීමක් නීති පැනවීමේදී සිදු වී නැති බව මට සිතේ.
එනම් ආනයනික මෘදුකාංග ගෙන්වීමේදී ඒවා ඇමරිකාවේ හෝ ඒවා නිපදවු රටේ මිලටම ලංකාව තුලදී විකිණීමෙන් එය ප්‍රායෝගිකව මිලදී ගත හැක්කේ කාටදැයි සිතිය යුතු ය. ඇමරිකානු ඩොලර් 299 වන මෘදුකාංගයක් ලංකාව තුලදී ඒ අනුපාත මිලකට ලංකාවේ වෙළඳපොලට ඇතුලත් කිරීම අසාධාරණය. එනම් පාරිභෝගිකයාට දැරිය හැකි මිලකට ඒවා ලබා දීමේ වැඩපිලිවෙලක් සැකසීම රජයේ වගකීමයි.ලංකාවේ ඒකපුද්ගල ආදායම ඩොලර් 1500 පසු කළා යැයි උදම් ඇනුවද සත්‍ය තත්වය නම් එම පැරණි නිර්ණායක වල පවතින ආදායම් පිළිබද සීමා වැඩි දියුණු විය යුතු බවය. දැනට වසර 10කට පෙර $1500න් (වසරකට) කළ කිසිවක් කිරීමට ලෝකයේ කුමන රටක දී වත් නොහැක.

පරිගණකයක් මිලදී ගැනීමේදී අද අවම වශයෙන් රුපියල් 30,000 වත් වැය වේ. මෙම මුදල තරමක් හෝ අඩු වනුයේ අපරට දැන් ලෝකයේ පරිගණක කුණුගොඩ බවට පත් වී ඇති බැවින් පිටරට වලින් භාවිතයෙන් ඉවත් කරන ලද පරිගණක අඩු මුදලට අපරට තුලදී මිලට ගත හැකි නිසාය.. නමුත් එලෙස ගන්නා ලද පරිගණකයක මෘදුකාංග වුවද ලංකාව තුලදී භාවිතා කිරීමට නම් නැවත මුදල් ගෙවා බලපත්‍ර ලබා ගත යුතුවේ. (EULA බලපත්‍ර බොහෝමයක් වලංගු වන්නේ ඒවා මිලදී ගත් රට තුලදී පමනි.) ඉතින් සාමාන්‍ය ජනතාව පරිගණක භාවිතා කරනුයේ කෙසේද?

මෘදුකාංගයක් නිර්මාණය කිරීම යනු විශාල කාලයක්/ශ්‍රමයක් මෙන්ම විශාල මුදලක් ද වැයවන ක්‍රියාවකි. ඒ අතින් බැලු විට මෘදුකාංගයක් ඉහල මිලකට අලෙවි කිරීමද අනවසර භාවිතයන්ට එරෙහිව නීති ගෙන ඒමද අත්‍යාවශ්‍යය. නමුත් නිර්මාණකරු තම ආයෝජනය මෙන් විශාල ප්‍රමාණයක් / ප්‍රතිශතයක් ලාභ ලබයි නම් මිල අඩු කිරීම මගින් එතරම් අලාභයක් සිදු නොවේ.

දැනට ඉන්දියාවට ආනයනය කරනු ලබන මෘදුකාංග එරටට ගැළපෙන මිලකට අලෙවි කරවීමේ ක්‍රියාමාර්ග එහි රජය මගින් ගෙන ඇත. ඉන්දියාව දැන් ලෝකයේ ප්‍රමුඛ තොරතුරු තාක්ෂණ විද්‍යාර්ථීන් බිහි කරනුයේ මේ නිසාය.
වෙනත් යුරෝපීය රටවල ජනතාව එක් මෘදුකාංගයක් පමණක් භාවිතා කිරීමට දස්කම් දක්වන විට ලංකාව ඉන්දියාට වැනි රටවල ජනතාව මෘදුකාංග කීපයකින් එකවර වැඩ කරනුයේ අඩුමිලට මෘදුකාංග ලබා ගැනීමේ පහසුකම නිසාය.

එසේ නොමැති නම් විවෘත හා නිදහස් මෘදුකාංග ප්‍රචලිත කිරීමට රජය මීට වඩා උනන්දු විය යුතුය. එවිට රටින් පිටට ඇදී යන විශාල මුදලක් රටේ වෙනත් කාර්යයකට යොදාගත හැක.

ලංකාව ලෝකයේ පර්යේෂණ වෙළඳපොලක්ද? නැත්නම් ලෝකයේ කුණුගොඩ ද?

මම දැනට මාසයකට විතර කලින් UPS එකක් ගත්තා මීට කලින් තිබුණු UPS එක අවුරුදු 6 ක විතර සේවයකින් පස්සෙ ඉවත් කරන්න සිදු වුණු නිසා. එච්චර කාලයක් අපේ ගෙදරට එන විදියෙ අස්ථාවර විදුලි සැපයුමක්  එක්ක වැඩ කරා කියන්නෙ UPS එක තමන්ගේ කාර්යය හරියට ඉටු කළා කියන එකයි.

මම ඉතින් මගේ දෙවැනි UPS එක විදියට ගත්තේත් මුලින් තිබුණු වර්ගයේම එකක්. ඒත් අලුත් UPS එක ගැන නම් මට ඇත්තේ සතුටුදායක සිතුවිලි නෙවෙයි. මොකද UPS  එකකින් වෙන්න ඕන මූලික ම කාර්යය වන අඛණ්ඩ විදුලි සැපයුම නම් මගේ පරිගණකයට ලැබෙන්නෙ ඉතාම කලාතුරකින්..

අපේ නිවසට ලැබෙන විදුලි සැපයුම හිටිගමන් තත්පරයක කාලයක් තුල බිඳවැටී නැවත යථාතත්වයට පත් වන අවස්ථා වලදී මගේ පරිගණකය ක්‍රියාවිරහිත වන දේ දැන් සාමාන්‍ය දෙයක් බවට පත් වෙලා. කලින් UPS එක මේ ආකාරයට ක්‍රියාකළේ ඉතාම කලාතුරකින්.  විදුලි සැපයුම දෝෂ සහිත වන විට UPS එක හරහා පරිගණකයට ලැබෙන විදුලිය බිඳවැටෙනවානම් UPS පාවිච්චි කරන එකේ තේරුමක් නැතිබවයි මට හිතෙන්නේ.

නමුත් විදුලි බිඳවැටීම තත්පරයකට වඩා වැඩි කාලයක් තිබෙන විට නම් පරිගණකය කිසිම වෙලාවක ක්‍රියා විරහිත වෙන්නේ නෑ.

මම හිතන්නේ දැන් ලංකාවෙ වෙළඳපොලේ පවතින බොහොමයක් විදුලි උපකරණ තත්වයෙන් බාල බවයි. එක්කෝ වෙනත් රටවලට යවන්න නිපදවන ලද නිෂ්පාදනවල කිසියම් දෝෂයක් නිසා එම රටවල් වලින් ප්‍රතික්ෂේප වන විට එම නිෂ්පාදන ලංකාවට එවන බව හෝ ලංකාව වෙනුවෙන් වෙනම තත්වයෙන් බාල නිෂ්පාදන නිපදවන බව හෝ අලුත් විශේෂාංග ඇතුලත් නිෂ්පාදන සඳහා ලංකාව පර්යේෂණ වෙළඳපොලක් බවට පත් කර ඇති බවයි.


මේ කෙසේ වෙතත් ලංකාවේ පාරිභෝගිකයින් සුරැකීමට නම් නීති වලට වඩා පිටරටවලින ගෙන්වන නිෂ්පාදන වල තත්ව පාලනයක් / පිරික්සුමක් සිදු කළ යුතුයි....

නැතිනම් power tree යූපීඑස් එකට වුන දේ වෙනත් දේවල් වලටත් සිදුවන දිනය වැඩි ඈතක නැති බව මාගේ හැඟීමයි....

ඉල්ලාගෙන ස්පෑම් ගැනීම.

මම හොඳට දැකපු දෙයක් තමයි අපේ සමහරු තමන්ගෙ ඊමේල් ගිණුමට  ස්පෑම් ඊමේල්  ගෙන්වා ගන්නෙ ඉල්ලලාමයි කියලා. මේ සඳහා හේතු වන ක්‍රම දෙකක් පිළිබඳව මම ප්‍රකාශ කලත් තවත් ක්‍රම රැසක් තිබෙනවා.

ඊමේල් forward කිරීම.
ගොඩක්දෙනා ලස්සන පින්තූර එකතු කරන්න හරිම කැමතියි. ඒ වගේම තමන්කැමති පින්තුර වලට අනිත් අයත් කැමති ඇති කියලා හිතලා තමන් දන්න අයටත් ඒ ඊමේල් එක යවනවා. මෙතනදි තමයි කට්ටිය බෙදාහදාගෙන ඉල්ලාගෙන කන්නෙ . සාමාන්‍යයෙන් අපි යවන  ඊමේල් එකක ලබන්නාගෙ ලිපිනය දාන්නෙ "to"  තීරුවටයි.  මෙතනදි අපිට ලිපින කීපයක් ලබාදෙන්නත් පුලුවනි. නමුත් එලෙස ලිපින කීපයක් ලබාදුන් විට අප යැවූ ලිපිය ලබන හැමෝටම අපවිසින් ලිපිය යැවූ හැම දෙනාගෙම ඊමේල් ලිපින දැකබලාගන්න පුලුවනි. එසේ වන්නේ අපි "to" තීරුවට දමන ලිපින සියල්ලම ලිපිය තුල පෙන්වන නිසායි. දැන් ඉතින් අපි 10 දෙනෙකුට ඊමේල් එකක් යැවුවානම් ඒ 10 දෙනාටම  දෙනාගේම ලිපින  පෙන්වනවා. ඉතින් ඒකෙ ඇති  අවුලක් නෑනෙ කියලා සමහරු හිතයි.  අපි හිතමු  ලිපිය  ලැබුණු  10 දෙනාගෙන්  එක් අයෙක්වත්   කලින්  විදියටම ලිපිය තවත් අයට යවනවා කියලා. ඔය විදියටම දිගින් දිගටම එකම ලිපිය forward වෙවී යද්දි ලිපිය ලබපු  හැම දෙනාගෙම  ලිපින එම  ලිපිය තුල අන්තර්ගත වෙන නිසා අන්තිමට ලිපිය ලබන කෙනෙකුට ලිපිය ආරම්භයේ සිටම ලැබුණු අයගේ ලිපින සියල්ලම දකින්න පුලුවනි.  ඒ එක්  අයෙක් ඊමේල් හරහා වෙළඳාම් කරන කෙනෙක් වුනොත් හරිම සතුටු  වේවි. මොකද ඊමේල් ලිපින ගොඩක් ලැබෙන නිසා.(මට එක් වරක් ලැබුණු ඊමේල් ලිපියක අන්තර්ගතවුනේ 300x300 ප්‍රමාණයේ ඡායාරූපයක්. ඒකෙ තිබුන ලිපින ගණන්කරලා බැලුවාම ලිපින සංඛ්‍යාව 351යි.) ඒවගේ ලිපියක් ඊමේල් හරහා වෙළඳාම් කරන කෙනෙකුට ලැබුණාම ලැබුණ ලිපින  සියල්ලටම අනවශ්‍ය  ඊමේල් ලැබෙන්න පටන් ගන්නවා.

ඉතින් මේක නවත්තන්න නම් කරන්න තියෙන්නෙ ගොඩක් දෙනෙකුට ලැබෙන විදියට ඊමේල් එකක් යවනවානම්   "to" තීරුවට ඊමේල් ලිපින නොදමා "bcc" තීරුවට  ඊමේල් ලිපින යෙදීමයි.  මෙවිට ලිපිය එකවර ලබන කිසිම කෙනෙකුට අනෙක් අයගේ ලිපින පෙන්වන්නේ නෑ. එනම්  ලිපිය ලබන කෙනා දකින්නෙ  තමන්ගෙ ඊමේල් ලිපිනය පමණයි. 

අනවශ්‍ය වෙබ් අඩවි වල ලියාපදිංචි වීම හා  ඊමේල් ගිණුමේ  මුරපදය අනවශ්‍ය වෙබ් අඩවි වලට ලබා දීම.
ඉල්ලාගෙන ස්පෑම් ගැනීම හා බෙදාහදාගන්න තවත් ක්‍රමයක් තමයි අනවශ්‍ය වෙබ් අඩවි වල ලියාපදිංචි වීම.  බොහෝවිට  මෙලෙස ලියාපදිංචි වන්නේ  නොමිලේ ලබාදෙන සේවාවන් ලබා ගැනීමටයි. මෙවැනි වෙබ් අඩවි  මුදල් සෙවීමට සාමාජිකයින්ගෙ ඊමේල් ලිපින විකිණම සිදු කරනවා. ලියාපදිංචි  වන විට තමන් මෙවැනි අඩවියක ලියාපදිංචි වුණු බව තමන්ගෙ මිතුරන්ට දන්වන්න  පහසු ක්‍රමයක් යොදා  ගන්නව. එය තමයි තමන්ගෙ ඊමේල් ගිණුමෙ තිබෙන ලිපින සියල්ලම තමන්ගෙ  ඊමේල් ගිණුමේ මුරපදයත් සමඟම ලබාදීම. මෙවිට ලිපින ලබාදුන් කෙනාගෙ නමින් ම ඔහුගේ/ඇයගේ ලිපින පොතේ තිබෙන සෑම ලිපිනයකටම ලිපි යවන්න වෙබ් අඩවියට හැකියාව ලැබෙනවා. මෙතැනින්  නොනවතින වෙබ් අඩවියට එම ලිපින සියල්ලත් තමන්ගෙ දත්ත සමුදායට එකතු කර ගන්නවා වෙළඳාම් කිරීමට.

ඉතින් මේක නවත්තන්න නම් කරන්න තියෙන්නෙ අනවශ්‍ය වෙබ් අඩවි වල ලියාපදිංචි  නොවීමයි.( ලියාපදිංචි වීමට තදබල උවමනාවක් තිබෙනවා නම් ලියාපදිංචි  වූවාට  කම්නැත.) නමුත්   ලියාපදිංචි  වන කිසිඳු අඩවියකට  තමන්ගෙ ඊමේල් ගිණුමෙ මුරපදය ලබා නොදීමට වගබලා ගන්නා ලෙස ඉල්ලා සිටිමි. එසේ නොමැති නම් වෙබ් අඩවි වල ලියාපදිංචි  වීමට වෙනම ඊමේල්  ගිණුමක් නිර්මාණය කර තබා ගැනීමෙන් හිතමිතුරන් ස්පෑම් කරදරයෙන්  බේරා ගත හැක.

opera MINI භාවිතා කර සිංහල කියවමු.

ජංගම දුරකථනය භාවිතාකර අන්තර්ජාලය තුල සැරිසරන විට සමහර අවස්ථාවලදී ඔබට සිංහලෙන් ලියැවුණු වෙබ් පිටු කියවීමට අවශ්ය වන්නට ඇතුවාට සැක නැත. ඒ සඳහා ඔබේ ජංගම දුරකථනයතුල සිංහල භාෂාව පිහිටුවා තිබිය යුතු වේ. නමුත් එයට සමහර ජංගම දුරකථන සහය දක්වන්නේ නැත.

ඊට පහසු විසඳුමක් operaMINI web-browser එක මගින් සපයා දී ඇත. එනම් operaMINI භාවිතා කර සිංහලෙන් ලියැවුණු වෙබ් පිටු කියවීමේදී සිංහල අකුරු ජංගම දුරකථනයතුල දී render කිරීම වෙනුවට ඔවුන්ගේ server එකක් තුලදී render කිරීමයි. එනම්මෙහිදී ජංගම දුරකථනයට එන සිංහල අකුරු ඔවුන්ගේ server එකක් තුලදී render කර ඡායාරූප ලෙස ජංගම දුරකථනයට එවීමයි. මෙවිට කිසිඳු අපහසුවක් නැතිව ජංගම දුරකථනය හරහා කියවීමට හැක.

නමුත් මෙවිට භාවිතා වන දත්ත ප්රමාණය තරමක් විශාල අගයක් ගන්නා බැවින් "සාමාන්‍ය ජංගම දුරකථන දත්ත ගාස්තු (standard GPRS data rates)" වලට යටත්ව අන්තර්ජාලය තුල සැරිසරන්නේ නම් ඔබේ  ජංගම දුරකථනජාලය විසින් තරමක් විශාල මුදලක් අයකිරීමට ඉඩ ඇත.

ක්රමය.

1. ඔබේ ජංගම දුරකථනය තුල operaMINI web-browser එක පිහිටුවා ගන්න. මෙය opera වෙබ් අඩවියෙන් නොමිලේ බාගත කරගත හැක.
2. operaMINI web-browser එක ක්රියාත්මක කර එහි "වෙබ් ලිපිනය (URL)" යොදන ස්ථානය (address bar) තුල about:config ලෙස සටහන් කර එවිට පෙන්වන වෙබ් පිටුවට යන්න.
   
3. පහලින්ම ඇති "Use bitmap fonts for complex scripts" යන්න ට අදාල drop-down-list එකෙහි "no" වෙනුවට "yes" යොදා සුරක්ෂිත (save) කරන්න.
4. මෙවිට එම වෙබ් පිටුව reload වනු ඇති අතර ඉන්පසුව ඔබ සිංහල බසින් ලියැවුණු වෙබ් පිටු කියවීමේදී සිංහල අකුරු දිස්වේ.

(මෙම ලිපිය කලකට පෙර ඉංග්රිසි බසින් ජංගම දුරකථනය භාවිතාකර මවිසින් ලියන ලද ලිපියක සිංහල පරිවර්තනයයි)

මාගේ ලිපි වල සිංහල අකුරු වල කිසියම් දෝෂයක් ඇතැයි කීප දෙනෙක් ප්‍රකාශ කළ අතර එම දෝෂ පෙන්වාදීම පිළිබඳව ස්තුතිය ප්‍රකාශ කරමි. දැන් එම දෝෂය දක්නට නැතැයි සිතන අතර එලෙස දෝෂයක් පෙනේනම් මා හට දන්වන මෙන් ඉල්ලා සිටිමි. 2010-04-08

How to use "Huawei e156G HSDPA" on Linux ( tested with openSUSE 11.0 )

Recently I bought a Huawei e156G HSDPA USB stick dongle to use to access to the Internet. After connecting the Huawei e156G in to my PC which is running with openSUSE 11.0 it I didn't know how to use it to access to the Internet.
So, I typed lsusb and found the system identifies the dongle Huawei e156G as "Huawei Technologies Co., Ltd. E220 HSDPA Modem / E270 HSDPA/HSUPA Modem". Then I restarted my PC with Windows XP , plugged my Huawei e156G dongle and searched the internet to know "How to connect Huawei e156G with Linux?".
Normally I don't like to use windows XP in my PC because "I love Linux". But if I need to use my dongle on Linux, I have to get some help from M$ to download the packages. I don't hesitate to get some help from another O/S when I needed.

After few searches I found a link to OpenSuse website to another site.(http://en.opensuse.org/SDB:HUAWEI_E220_Support). Then I downloaded huawei.tar.bz2 from the site http://oozie.fm.interia.pl/pro/huawei-e220/ and decompressed it using the terminal and installed that package to my system.

tar -xjvf huawei.tar.bz2
cd huawei
su
[password] ( [password] = your password for the root )
make install_suse


when the dongle is connected to a USB port , system will identify the USB dongle at /dev/ttyUSB0

then you could edit the wvdial-huawei.conf file which is in the /etc/
( path : /etc/wvdial-huawei.conf )
no need to edit whole file. It's enough to edit Phone , username , password fields to work with some ISPs. check your ISP for phone number which is needed to dial to connect and username , password also.

then you could surf the internet using the wvdial command.

you can try this with different distros and distributions.

Source : " http://en.opensuse.org/SDB:HUAWEI_E220_Support " Accessed on 24-12-2009 "
Technorati Tags: Huawei e156G

හුවාවි e156G ඩොංගලය openSUSE සමග භාවිතා කිරීම.

හුවාවි e156G ඩොංගලය  openSUSE සමග භාවිතා කිරීම.

e156G ඩොංගලය openSUSE සමග භාවිතා කිරීම ඉතාම පහසු ක්රියාවකි.

මුලින්ම wvdial පිහිටුවා ගත යුතුය. එය පිහිටුවා ගැනීම එතරම් අසීරු නොවන බැවින් ඔබට බාර කරමි.

අනතුරුව ඔබ http://oozie.fm.interia.pl/pro/huawei-e220/ යන ලිපිනයෙන් huawei-e220 සදහා වන huawei.tar.bz2 ගොනුව බාගත කර ගත යුතුය.
( link is from " http://en.opensuse.org/SDB:HUAWEI_E220_Support " Accessed on 24-12-2009 )

අනතුරුව huawei.tar.bz2 හි අඩංගු ගොනු පිහිටුවීම සදහා terminal එක මත පහත දැක්වෙන විධාන සටහන් කරන්න.

tar -xjvf huawei.tar.bz2
cd huawei
su
[password] ( [password] = ඔබගේ root සදහා වන මුර පදය )
make install_suse

අනතුරුව ඩොංගලය USB port එකට සම්බන්ධ කල විට පරිගණකය මගින් /dev/ttyUSB0 එය හදුනා ගනී.

ඉන් පසු /etc හි අැති wvdial-huawei.conf ගොනුව edit කල යුතුය. /etc/wvdial-huawei.conf
එයට ඔබ කැමති text editor එකක් භාවිත කල හැක.

එහි Modem , Phone , username , password යන ස්ථාන වලට අදාල වෙනස්කම් සිදු කරන්න.

[Dialer Defaults]
Modem = /dev/ttyUSB0
Phone = *99#
username =
password =

අනතුරුව wvdial-huawei.conf සුරක්ෂිත කරන්න.

අනතුරුව wvdial විධානය භාවිතා කර අන්තර්ජාලයට සම්බන්ධ වන්න.

Source : " http://en.opensuse.org/SDB:HUAWEI_E220_Support " Accessed on 24-12-2009 "


මාගේ ලිපි වල සිංහල අකුරු වල කිසියම් දෝෂයක් ඇතැයි කීප දෙනෙක් ප්‍රකාශ කළ අතර එම දෝෂ පෙන්වාදීම පිළිබඳව ස්තුතිය ප්‍රකාශ කරමි. දැන් එම දෝෂය දක්නට නැතැයි සිතන අතර එලෙස දෝෂයක් පෙනේනම් මා හට දන්වන මෙන් ඉල්ලා සිටිමි. 2010-04-08